Ажилчид эрүүл мэндийн үзлэгийн 9 багцаас сонголт хийнэ

   Эрдэнэт үйлдвэр 6700 гаруй ажилтан, ажилчдынхаа өмнө хүлээсэн үүргээ биелүүлж, нийгмийн хариуцлагын хүрээнд хэрэгжүүлдэг томоохон ажлын нэг нь эрүүл мэндийн урьдчилан сэргийлэх үзлэг шинжилгээ юм. 2019 оны үзлэг шинжилгээг өнгөрсөн сараас эхэлсэн бөгөөд өнөөдрийн байдлаар нийт ажилчдын 10 гаруй хувь нь хамрагдаад байна.
   “Медипас” эмнэлэг, Эрдэнэт үйлдвэрийн “Эрдэнэт” сувиллын цогцолборын эмч нартай зөвлөлдөн, үзлэг шинжилгээг илүү нарийвчлалтай гаргахаар 9 багц санал болгожээ. Үүнд ходоодны дуран, зүрхний эхо, мэдрэл, бүдүүн гэдэсний дуран, чихрийн шижин, уушиг, шээсний зам, нуруу, бөөр, эмэгтэйчүүд, хэвлийн тодотгогчтой буюу В,С вирус илрүүлэх шинжилгээ багтсан байна. Эрүүл мэндийн урьдчилан сэргийлэх үзлэгийн гурван жилийн үр дүнд тулгуурлан дээрх багцуудыг гаргасан бөгөөд өвчнийг эрт илрүүлэх, хянах, эмчлэхэд өндөр ач холбогдолтой хэмээн үзжээ.

И.Чинтогтох
Фото: Б.Баттөгс